أهليين
يوه من زمان ماكتبت أدري 
مدري وش جاني زي حس التبلد بس جتني سالفة غريبه جدا 
حكتها لي أختي عن وحده تقرب لاهلهم والسالفة حاصلة قريبة ونعرفهم
والقصة واقعه حقيقة بدون تخريف 
تخيلوا ياجماعه فيه أم وبناتها وولدهم كبره بالثانوي
اتفقوا انهم يروحون استراحة بالليل عشان يغييرون جو
اخذوا استراحة وعقب مادخلوا
ومادروا الا هذوليك الشباب طبوا بالاستراحة
ربطوا الولد عشان يمسكون البنات الأم على طول هي وبناتها ركضوا وانحاشوا
دخلوا لغرفة وسكروا عليهم الباب 
والا مادروا الا وعلى طول جو رجال كثيرين ملتحين 
وقال واحد منهم: لاتخافين احنا الهيئة
وانتم روحوا واحنا بنهتم فيهم 
وعلى طول طلعوا من الاستراحة
والحرمه مييييته من الروعه مانامت وتفكر باللي حصلهم بيومهم
ويوم تصلي الفجر و غفت شوي وفتحت عينها 
وتلقى نفس الرجال
اللي قالها لاتخافين احنا الهيئة
قال: احنا القطاوه اللي توكلينا كل يوم !!!!!!!! 
الحرمة هذي مسويتلهم حوش صغير وتحط كل يوم اكل للقطاوة
سبحان الله صدق شي يخوف وشي مدري وشو عجيب صراحة 
بسم الله علينا شوفوا شلون متجنسين بقطاوة 
يعني الواحد يخاف لايقعد يطقهم او اي شي ويسمي بالرحمن الرحيم دايم 
لاشافهم مو يقعد يرمي جزمته عليهم خخخخخخخخ 
اذكر صديقتي ن تقول دايم اذتنا قطاوه ونقعد نرجم عليهم
بكافة الوسائل المتاحه هههههههه بسم الله عليكم
ماودي افضح اكثر بس الظاهر لاقروا هذا بيهونون عن الضرب والرجم 
وسلامتكم من القطاوه 
ايه ترى سني بدى يوجعني 
الله يعين 
غفرالله لهديل الحضيف ولخالتي ام عبدالعزيز وارحمهم
وعافهم واعفوا عنهم ولكل موتانا وموتى المسلمين
رحمهم الله واسكنهم الجنه يارب
يارب ادخل من احببناهم الجنه
اللهم اغفر لنا ولجميع المسلمين الاحياء والاموات واهدي جميع خلقك لعبادتك
اللهم ثبت قلوبنا على دينك وامتنا على احب الاعمال اليك واختم لنا بحسن الخاتمه وارضى عنا
وعن آبائنا وامهاتنا والمسلمين اجمعين وصلي اللهم على النبي محمد وعلى آله وصحبه وسلم
أرجو لكل من مر هنا الدعاء لهم بالجنة..والمغفرة و ان يحسن الله خواتيم اعمالنا بالصالحات
كثرة مواقع التعارف عندنا كثر عدد شعر راسك
بنات وشباب وحتى الاطفال والشياب
مواقع مشهورة مثل: الفيس بوك والنت لوق
الهدف وضع صورة اولا صورتك :
بنات ناس يحطون لك صور غير محترمه وصور مزريه
تستحي انك تشوفها مع وضع اسمائهم وعائلتهم مين
يعني اللي يقربون لهم ويشوفون الصور عادي عندهم الوضع؟
والله بنات اغلب اعمارهم بالاربعطش فما فوق بشوي او اقل عمر يحطون صور مخزيه
لارضاء عيون الشباب ولأجل كلمة واو , وياحلوه , وودي اكون معك
ومن هالكلام السخيف
الشي الثاني :انتشار الشذوذ وبشكل غير طبيعي وعيني عينك
لدرجة اضحكني صورة واحد من الشباب: يابنات اللزبيان خلولنا البنات
تجي لك بنت بويه كما هو معروف البنت اللي تقلب روحها
ولد !! هذا موضوع كبير لأن احس باشمئزاز كلما شفت صور
واتحمد ربي على مابلاهم وادعولهم بالهدايه يارب
المخزي في الأمر ان الناس يشجعون هالفئة
ويعطون ردود تعطي بايجابية افعالها وان هالشي مو غلط
ولا حرمه الدين بالتشبه بالرجال ولا افعال الرجال
بنات كثيرات شفتهم نفس النمط
ونفس الستايل التقليعه الشبابية الذكورية
واشوفهم في انتشار علنا مو زي اول كان بالدس
وافعالهم بعد عادي عند مرئى كل الناس
مو بس البنات بعد اشوف العيال بعد كاثرين من هالفئة
وحاطين صورهم بمناظر مؤسفه وتقليعتهم البنوتيه واهتمامهم
باشياء بنات ولبس بنات يعني عكس البويات
الشي الثالث: شباب بتقليعات غربية مثل النقرز أو بما يتسمون
بزنوج أمريكا واشكال العصابات بشعر او صلعات حالقين على الزيرو وحاطين لك منديل مربوط
كانهم شغاله
تشبه فيهم ووضع اكسسوارت وملابس والبندانه وسلاسل وحلق حتى الصليب لدرجة العمى أنهم نسوا
دينهم الاسلامي من وضع هالخرابيط الي يحطونها فيهم
وكله لعيون الفرق القانقستر عصابات امريكا وعيال شوارع لأن الشي هذا رهيب وشي
كول ياسلام عليهم
ماقول لاتلبسون بس التقليد الأعمى يجر لأشياء ثانية
والشي الزايد عن حده بينقلب ضده
الشي الرابع: كثرة الأطفال المشتركين في هذا الموقع
وكلما شفت صفحة فيها طفل أو مراهق يضيق صدري من جد
على الواقع الأليم مستهدفين من بنات كبار بالسن او الشباب
وتعليقاتهم الجنسية السخيفة والصور اللي يحطونها
من جد شي مريض اللي نشوفه حرام عليهم
يعني اطفال بأعمار كذا يتعاملون كذا
وردودهم عليها شي يعور القلب
ألحين في عصرنا هذا < تتعب من هالكلمة خخخخ
يعني كل المجال مفتوح ومافيه رقابه أبدا مو مثل أول
كنا نخاف عليهم ونحكم ونسيطر فيهم
ألحين لا الوضع تغير للأسف للأسوء
أفلام , أغاني , فيديوكليبات, انترنت ومواقع تشات وتعارف
واشياء تقرف الله يسترعلينا
انا اعترف عندي يوزر بكل الموقعين اعلاه لكن يوزر قطيه مثل مايقولون
نشترك فيه ثنتين او اكثر بس نشوف الناس < مثل ماتعرفون لقافة عرق دساس فينا
بس للأسف كل يوم يزيد من جد شي يضيق الصدر
واكتشفت ان هالمواقع مالها داعي وتضييع وقت
بس عشان تحط صورك ويعلقون عليها ورسائل خاصة
وقروبات مدري وش تبي من الحياة واذا كنتم
تحبون اللقافه تفرج وتحمد ربك ..
أهلين بكافة الشعب
عندي قصة لكم وتبغى ارائكم
صح مواضيع الهيئه ملينا منها ومايندرج من سلبيات وايجابيات
وقصص واخطاء الهيئه التي لاتعد امام ايجابياتها
لكن ماقول الا زي العنوان الخير يعم والشر يخص
وكثرت مره قصص الهيئه بالسلبيات
انا والله مؤيده جدا للهيئه اللي يناصحونك باحسان وصح واسلوب يخليك
تستحي مافعلت
اما للهمج لا والله الله يهديهم ويهدينا ويصلحهم ويصلحنا
قولوا امين 
حدثت هذه القصة في المساء مادري هو الاربعاء او الخميس بلسان
صديقة اختي اللي حصلت لهم هذه الحادثه
كانو مجموعة من عيال وبنات وكلهم عيال اعمام او اخوال
العيال يودون البنات وكلهم بسيارتين
سيارة للبنات وللي ماكفى ركبوا اتوقع بالسيارة الثانية
ومعهم واحد مشلول الله يرفع عنه وعن كل مسلم
الشاب هذا اول مره يطلع من بيتهم واقنعوه بان يغير جو من حبسة البيت
لايطلع ولاشي فاخذوه معهم وهنا تبدأ القصة
فحال الشباب هالايام كلهم يرفعون صوت الموسيقى بالسيارة
لاعلى شي < قسم لاوقفنا جنب هالسيارات ان قلبي
يرقع واقول شلون مايعورهم قلبهم وروسهم خخخخخخ
وصلوا للمقر اللي بيودون لهم اللي هو ملاهي ستار سيتي
فجاه مايجونك الا مسرعين سيارة الهيئه وفيها كم شخص
ويفتحون عليهم الباب 
يالله انزلوا
انزززززلوا
قالوا وش فيك وش مسوين ويهاوش وينافخ عليهم
يحسبهم من ربع الفرندات
قال هذي اختي والباقين اقارب قال وش يثبتلي
قام ويكلم على ابوه وابوه بعيد في العاذريه ومشوار على بال مايجي
وشاف واحد منهم جالس مانزل مع الشباب اللي هو المشلول اللي مايمشي
قاله انزل قال ماقدر ويكرر عليه ويرد عليه انه مايقدر
قام وسسسسحبه مع يده ويطيحه بوجهه على الشارع
ويتصلون على ابوه ويجي طاير ومسرع ووصل لهم وتفل بوجهه اللي طيحه
ويهاوش ويدعي بان يصيبه بما اصابه بابنه ويبتلي بعياله وهو يقول
تكفى ياعم خلااص حس بالوضع وخايف من الدعى وخايف يوصل
اللي صار فيه عند المسؤولين
هو يبي يمشي اموره على كل راس بالف زي الغنم وماحس
بخطورة ووضعهم الخطأ
مادري وش صار بعدين بس هالولد المشلول المسكين
قام تعقد ولا عاد يطلع معهم ولا شي وكانه اللي يقول ياليتني
ماطلعت معكم ولاطاوعتكم
ينرحم صح .. ؟
قد يكون موضوعي مستهلك نوعا ما فاعذروا مافي جعبتي 
مدري وش خلاني ارجع لوراء الذاكره شوي .. كنت طفله مادري كم عمري بوقتها
حادثه كنت بموت فيها .. ايه بموت !!
كنت طفله زي ماقولكم .. صغيرة البيت وماحد حولي بالصباح .. امي كانت تدرس وقتها
وابوي بالشغل واخواني مدارس
طبعا مافي وقتها الا الشغاله هي اللي معي بالبيت
!! او اقولكم خلوني اسميها شيطان بشري بسم الله
فجااه وامي جت من دوامها وشافتني ازبد ومصارعة الموت ووجهي اسود جدا
ركضت امي فيني وركبت تاكسي وعلى اقرب مستشفى
تخيلوا ياجماعه تقولي ان الشغاله راشه عليك فليت
حاقده وانا كلي براءه خخخخخخخخخخ
تخيلوا لو ماوصلت على المستشفى كنت ابموت ولا قعدت اكتب لكم ولاشي < ترفقي عليهم بس
طبعا جلست مدري كم شهر عشان يروح مني الفليت اللي داخل جسمي
وانواع الكرتوزونات والمغذيات خخخخخ < يوه توني احس بالمعاناة
ياجماعه وشلون مانقدر نستغني عن الشغالات ؟ وشلون مانصبر على بلاويهم
واحنا ندور على الراحه ؟
والله فيه قصص تعور القلب لاسمعت ان احد صارله مشاكل مع الشغالات والسواقين
غير السحر وغير السرقات وغير وغير… الخ
امي انسرق ذهبها واخوي انسرق لابتوبه بسبب شغالات
انسحرنا
كلش جانا
ومع ذلك كيف نصبر نعيش بدونهم ؟
ابي حل بديل < لاتقولون اشتغلي ترى والله اشتغلنا وكرفنا ماش تعودنا على العجز
الصفحة التالية »
