أعتذر اعتذار شديد عن انشغالي بالفترة الاخيرة وغيابي عن المدونة 
مدري وشلون انواع ضغوطات والتزامات وظروف تجبرك حولك 
بس يخليك الشيء هذا مالك مزاج لأي شيء والله حتى ساعات نومي قلت اخر يومين
نمت فقط اربع ساعات
!! تخيلوا انرحم صح
وبعدين حاسة أني متغيره عن أول مدري
( وش بتقولين لهم انتي بزر وكبرتي يعني 
)
حتى قاعدة اطقطق لكم بالكيبورد وأنا مدري وش أكتب يالله مشوا حالكم
وودي اسوي اشياء لمدونتي بعد ماتعلمتها ومدري يمكن اغير الثيم اذا فضيت
بس حبيت أقول لكل من علق في مواضيعي إن شاءالله راح ارد عليكم واعتذر لكم عن التأخير
والله فقدتكم مره مره ياحبيلكم
واشكركم ياللي ترسلون لي يا زائرينا الأفاضل الحبوبين يعطيكم الف عافية
واعتذر عن الرد في بعضها واتمنى ماتزعلون مني 
وبعدين وش سالفة الواجبات ؟ هههههههه يا أخوانا الأفاضل والاخوات الفاضلات
محدثتكم هديل هذي ماتحب أي شي اسمه واجب
والله مالي خلق جد ولا أحبه اعتذر لكم اعتذار شديد شديد داير أنا زولة 
ويالله امشي حالي وأنا أطقطق عليكم 
وراح يكون هناك جولة ملكيه 
لكل المدونات اللي
مازرتها
من زمان عنكم 
مره فقدت جوي التدويني 
وبس ايييه صح صح فيه اجازة 
يالله انبسطوا واقول كل من عندهم ترم صيفي
ياسلام عليكم ألف مبروك تتهنون بالصيفية لمدة شهرين 
خخخخ < ابد ماتحر قلوبهم 
و الي حملوا ورسبوا في مواد قود لاك ان شااءلله < 
ادري غبار تحملوني 
وربي يوفقكم وايانا والله يسعدكم بالنتايج الرهيبة
انتظروا الموضوع القادم إن شاءالله قوي قوي لايفوتكم 
واسفه على القرقر هذا اللي ماله فايده بس وش اسوي اشتقت لكم ما أنلام
أهلين بجماعة الواجبات
مررت لي مره ثانية اللي مضيعة بيتهم< ايه عرفتوها ام واجبات خخخخخخ
كنت مسافره وجيت اعذروني على التاخير
وواجب اليوم هو عن الاصوات المزعجة
ممممم الاصوات المزعجة عندي هو كلام الناس بصوت عالي
صوت القطاوه بالليل
صوت الحمام << اييييه اللي هو انا سميته
اصوات التفحيط بكثر ماتزعجني ترعبني
اصوات البزران لاجو يلعبون
صوت التلفزيون اذا علت امي او غيرها عليه << ايه انا بعض الاحيان اعلي الصوت ولا ادري
صوت المنبه في الجوال 
اكررهه
صوت التليفون فجأة < ياشينه
ههههههه ايه صح يامضيعة صوت الهزاز اللي مسميته بيجر الماسنجر اكرهه بس وخرت الصوت
مممم مدري وش بعد هذا اللي ببالي
راح امررها على
قد يكون موضوعي مستهلك نوعا ما فاعذروا مافي جعبتي 
مدري وش خلاني ارجع لوراء الذاكره شوي .. كنت طفله مادري كم عمري بوقتها
حادثه كنت بموت فيها .. ايه بموت !!
كنت طفله زي ماقولكم .. صغيرة البيت وماحد حولي بالصباح .. امي كانت تدرس وقتها
وابوي بالشغل واخواني مدارس
طبعا مافي وقتها الا الشغاله هي اللي معي بالبيت
!! او اقولكم خلوني اسميها شيطان بشري بسم الله
فجااه وامي جت من دوامها وشافتني ازبد ومصارعة الموت ووجهي اسود جدا
ركضت امي فيني وركبت تاكسي وعلى اقرب مستشفى
تخيلوا ياجماعه تقولي ان الشغاله راشه عليك فليت
حاقده وانا كلي براءه خخخخخخخخخخ
تخيلوا لو ماوصلت على المستشفى كنت ابموت ولا قعدت اكتب لكم ولاشي < ترفقي عليهم بس
طبعا جلست مدري كم شهر عشان يروح مني الفليت اللي داخل جسمي
وانواع الكرتوزونات والمغذيات خخخخخ < يوه توني احس بالمعاناة
ياجماعه وشلون مانقدر نستغني عن الشغالات ؟ وشلون مانصبر على بلاويهم
واحنا ندور على الراحه ؟
والله فيه قصص تعور القلب لاسمعت ان احد صارله مشاكل مع الشغالات والسواقين
غير السحر وغير السرقات وغير وغير… الخ
امي انسرق ذهبها واخوي انسرق لابتوبه بسبب شغالات
انسحرنا
كلش جانا
ومع ذلك كيف نصبر نعيش بدونهم ؟
ابي حل بديل < لاتقولون اشتغلي ترى والله اشتغلنا وكرفنا ماش تعودنا على العجز
النت صار نتن
لا تحميل زي الناس
لاتصفح زي الناس
وكله بسبب الكيبل البحري
المشكله راح تقعد لأيام عشان يعدلون الكيبل
وهذا مو اول مره حاصله لنا
اذكر من زمان جانا زي كذا
عاد الاتصالات ماصدقوا خبر
بيقعدون لسنين اذا قالوا
ورى الاتصال كذا؟؟؟ (حتى لو صلحوا الكيبل البحري المزعوم)
بيقولون من الكيبل البحري
السلام عليكم
تم الافتتاح ولله الحمد بعد ماحست ابو المدونه
مادريت انها معقده كذا خخخخخخخخخخ
المهم وشلونكم وش اخباركم عساكم طيبين
سبق وان لي تجربه بالتدوين على موقع بلوقر على العنوان التالي
http://hadool.blogspot.com/
وهذا اعتبره امتداد لموقعي الثاني اللي على بلوقر
وان شاءالله تتقبلوني بصدر رحب في عالم المدونات والتدوين
ونسيت اقولكم لسه المدونه راح بتتجدد
فتعبروا فيها الين نكمل 
اترككم مع تدوينه ثانية ان شاءالله
